Benjaminak - Ezaugarri nagusiak nola landu

Alebinak
Ezaugarri nagusiak nola landu

Neskak mutilak baino hobeak izatea normala da, saiatu behar da garaipenari daukan garrantzia baino gehiago ez ematen mutilen autoestima ez kaltetzeko.
Nerabezaroko lotsak kentzeko joko ezberdinak egin ditzakete ikus dezaten ez direla hain ezberdinak: Rodilloa, sardina joakoa mutil eta neskak tartekatuz, mutilak baterian etzanda eta neskak gainetik pasa flexioak egiten hankak banku baten gainean dituztela...
Haurrek lateralitatea garatua dutenez, mota guztietako ariketak egin bai esku trebearekin eta hain trebea ez denarekin: Paseak, jaurtiketa, punteria jolasak...
Haurrek oreka eta koordinazioa garatuagoak dituztenez mota guztietako kirol, jolasak eta ariketak egin ditzakete: Jauziak, trepatu, malabareak, borroka jokoak...
Esfortzua mantentzeko gaitasuna dute, horregatik intentsitate gehiago sartu daiteke joko jolasetan arau ezberdinak sartuz. Denbora gutxitu tantoa egin ahal izateko, eremua txikitu, jokalari kopurua gutxitu...

Pentsamendu operazionala dute, hau lantzeko kirol eta joko ezberdinetan egoera ezberdinak planteatu behar zaizkie hauek era hoberenean konpondu ditzaten. Adib: Talde bati bakarrik esan nola eraso egin eta bestea bilatu dezala era hoberen defendatzeko.
Arauak azkar barneratzen dituztenez, aldagai eta arau berriak sartu daitezke joko eta jolasetan, hauek era sinple eta argian azaldu behar dira.
Kritika ahalmena lantzeko, noizbehinka beraiek edo taldeak egin dutenaren inguruan galdetzea da hoberena. Kontzientzia baldin badute erantzungo dute eta ez badute, hurrengorako arreta gehiago jarriko dute.
Joko eta jolasek planteatzen dituzten arazoen aurrean mugimenduzko irtenbidea bilatzen dute, hau gehiago lantzeko joko jolasei arauak aldatuz egoerak zaildu egingo ditugu: Erasotzaile edo defentsa kopuru handiago, eremu txikiagoa, pase kopuru mugatua...
Maila Taktikoan: Begiraleak kirolaren edo jokoaren inguruko taktika ezberdinak argi erakutsi.
Maila Teknikoan: keinu teknikoa hobetzeko haurrari azalpen argiak eman.

Kooperazoioa eta elkarrekintza bultzatzen duten joko jolasak egin. Edo jokoen arauak aldatuz hau bilatu. Adib: pase kopurua, denek sartu behar dute gola, denek ikutu behar dute baloia...
Arreta mantentzeko zailtasunak dituzte, ondorioz joko eta arauak azaltzeko orduan: haurrak lurrean eseri, isilarazi , azalpen garbiak eta motzak eman, eta noizbehinka arauen inguruan galderak egin.
Begiraleek haurren intimitatea errespetatu egin behar dute, ez egin galdera konprometiturik, gai konkreturen bat hitz egin behar bada haur batekin, berarekin bakarrik hitz egin eta ez talde guztiaren aurrean...
Autoestimaren lantzeko begiralea haurraren puntu indartsuak goraipatu egingo ditu eta puntu ahulak zuzentzen saiatuko da beti ere haurra gutxietsi gabe.
Begiralea taldearen irudia indartu egin behar du, haur guztiak taldeko partaide direla sentiaraziz. Horrez gain, istiluak daudenean berehala konpontzen saiatu, arazo handiagoan ez bihurtzeko. Hau lantzeko noizbehika entrenamenduaz kanpo jarduera ezberdinak antolatu daitezke: meriendak, partiduren bat ikustera joan....
Haurrak autonomoak dira, hau lantzeko haurrei jokoaren barruan aldaerak sartzeko proposatu daiteke.