Alebinak - Helburuak
Alebinekin landuko ditugun helburuak, benjaminekin
landutakoen jarraipena izango da. Kategoria honetan, kirol aniztasuna
egiten jarraitzen dute, ezaugarriak aldatu egin dira baina hala ere,
helburu orokorrak berdinak izango dira. Horrela, helburuak hurrengo
hauek izango dira:
Mugikariaren erabilpena eta egokipena:
Esparruan mugitzea:
Jokalarien arteko harremanak:
Arautegiaren oinarrizko ezagupena:
Norberaren gorputza ezagutu eta gaitasun fisikoak hobetu:
Baloreetan hezi:
Ondo pasatzea:
Saioa era egokian garatzeko giro lortu
Haur bakoitzarenganako errespetua lortu
Haurraren autoestima landu
Mugikariaren erabilpena eta egokipena:
Haurraren ahalmen motoreak garatzen diren
neurrian baloia erabiltzeko arazoak murrizten dira. Hala ere, oraindik
baloiaren erabilpenean arazoak agertzen dira. Helburu hau lantzeko,
benjaminekin erabilitako antzeko jokoak erabiliko ditugu; hau da,
familiarizazio jokoak, mugikari aldaketak eta eskubaloiko baloiaren
erabilpena menperatzeko jokoak (bote lasterketak, paseak eta jaurtiketak).
Esparruan mugitzea:
Kategoria honetan haurrak jadanik baloiaz
gain, atea ere kontuan hartzen du esparruan orientatzeko garaian (kideekin
duen harremana oraindik landu beharra dago). Orientazio jokoak erabiliko
ditugu eta baloi gabeko jokoak oso interesgarriak izango dira ( beste
elementu batean arreta jartzera behartuz).
Jokalarien arteko harremanak:
Aipatu dugunez, jadanik ez da baloia soilik
haurraren arreta erakartzen duena. Esparruan mugitzeko helmuga ere
erabiltzen dute. Baina oraindik egozentrikoak dira eta askotan haien
artean trabatzen dira gola sartzeko garaian. Beraz, garai honetan
oso garrantzitsua izango da lankidetza lantzea; horretarako, lankidetza
bakarrik duten jokoak erabiliko ditugu, gero aurkaritza eta lankidetza
duten jokoak sartuko ditugu, baina beti lankidetza aspektuan egingo
dugu indarra. Joko kolektiboaren garrantzia.
Arautegiaren oinarrizko ezagupena:
Arauak ulertzeko arazoak murrizten dira.
Beraz, umeak badaki jokoaren helburua zein den, eta baita arau orokorrak
ere (ateko sakea, alboko sakea, debekatutako eremuak...). Hala ere,
oraindik urratsak eta bikoitzak egin ohi dituzte. Gure helburua arautegian
sakontzea izango da, baina beti jokoaren bidez lantzen saiatuko gara.
Norberaren gorputza ezagutu eta gaitasun fisikoak hobetu:
Haurrek beraien gorputza ezagutzen dute,
badakite zer egiteko edo zer ez egiteko gai diren. Gainera beraien
lateralitatea zehaztuta dago jadanik, beraz mota guztietako ariketak,
jokoak, jaurtiketak, paseak eta abar burutu ditzakete.
Baloreetan hezi:
Benjamin garaian bezala, arlo hau etengabe
landu egin behar den gauza da, balore onak izatea haurrari pertsona
hobea izaten lagunduko dio. Horregatik adin hau aproposa da adiskidetasuna,
errespetua, berdintasuna, tolerantzia eta abar.... lantzeko.
Ondo pasatzea:
Benjaminekin esan dugun bezala, eskola
kirolean aritzeko arrazoi nagusietako bat ondo pasatzea da. Gure lana
bete egingo dugu, baina beti aspektu hau kontuan hartuta. Horretarako,
haurren gustukoak diren jokoak erabiliz eta partidu txikiak antolatzen
saiatuko gara.
Saioa era egokian garatzeko giro lortu
Begiralearen betekizun garrantzitsua da
hau, haurren arreta lortu behar du ondoren ariketak ondo azaltzeko
eta haurrek zer egin behar duten jakin dezaten.
Haur bakoitzarenganako errespetua lortu
Begiraleak haurraren begirunea lortzeko,
haurra errespetuz tratatu egin behar du, sekula ez gaizki hitz egin
beste kideen haurrean, galdera desegokiak egin etab...
Haurraren autoestima landu
Begiraleak haurren lana baloratuko du hau
era egokian betetzen denean eta hain ongi egiten ez denean, hau hobeto
egiteko aholkuak eta animuak emango dizkie.
© 2008 Kirol Zerbitzua | Legezko Oharra
