Informazio Orokorra: Begiralearen lana
Aurreko lau abiapuntuak oinarri moduan
izanda, begiralearen lana zein izan behar den garatuko dugu. Horrela,
eta laburbilduz, eskubaloiko haurren taldeen entrenatzaileak honako
betebeharrak izango ditu:
- Haurraren ezaugarriak eta portaera hauteman eta analizatzea.
- Bayer-en oinarri operazionalak erabiliz, gure kirolarien lorpenak eta landu beharrak prestatzea.
- Joko egoera ezberdin asko planteatu eta haurrei irtenbidea bilatzeko ardura uztea. Honela, ekintza taktikoaren adimen prozesu guztiak kontuan hartu eta haurraren heziketa osoa lortuko da.
- Joko egoerak edota eskubaloi egoerak planteatzeko, joko elementuak aldatuz gure helburuak lantzea lortuko dugu.
- Edozein joko egoera plantea daiteke, baina transferentziaren kontzeptua behin ulertua eta kirolen sailkapena ikusita, aurkaritza eta lankidetza duten egoera soziomotoreak planteatzen saiatu behar dugu. Hau da, eskubaloiaren antzeko estruktura duten kirol eta joko egoerak egitea.
- Gure helburuak epekatu behar ditugu. Ezin baita lan bera egin benjaminekin edo infantil talde batekin.
- Higiene ohiturak bete eta bultzatzea ( dutxa, kirol janzkera egokia...)
- Kirol entrenatzaile izatearekin batera doazen portaerak izatea ( puntualtasuna, entrenamendu orduetan ez erretzea, hizkera egokia erabiltzea, haur guztiekin errespetuzko harremana mantentzea... )
- Gaitasun tekniko egokia izatea saioak aurrera eramateko ( saioak ondo egituratuak, aldez aurretik prestatuak, dinamikoak...)
- Gaitasun motibatzailea izatea ( haurrak inplikatzeko, haurrek kirola egiten jarraitu dezaten... )
© 2008 Kirol Zerbitzua | Legezko Oharra
